Ysgol Gynradd Gymraeg Bryn y Môr : Higher Level Teaching Assistant, HLTA Level 4

Mae YGG Brynymor yn chwilio am unigolyn brwdfrydig, ymroddedig a gofalgar i ymuno â'n tîm fel Cynorthwyydd Addysgu Lefel Uwch (HLTA) Lefel 4.
Bydd deiliad y swydd yn chwarae rhan allweddol wrth gefnogi, cydlynu a gweithredu strategaethau lles ac ymyrraeth ar draws yr ysgol. Bydd y rôl yn canolbwyntio ar sicrhau bod pob disgybl yn cael y cymorth priodol i ffynnu'n academaidd, yn emosiynol ac yn gymdeithasol.

Mae hon yn swydd barhaol a llawn amser, gyda chyfle pwysig i'r ymgeisydd llwyddiannus ddatblygu rôl ganolog o fewn darpariaeth lles ac ymyrraeth yr ysgol.
Prif gyfrifoldebau:

• Cydarwain a chydlynu prosesau lles ac ymyrraeth ar draws yr ysgol.
• Cefnogi disgyblion unigol a grwpiau bach i oresgyn rhwystrau i ddysgu.
• Cynllunio, gweithredu a monitro strategaethau cefnogi disgyblion.
• Gweithio'n agos gyda staff addysgu, rhieni/gofalwyr ac asiantaethau allanol.
• Asesu ac arfarnu effaith strategaethau ymyrraeth er mwyn sicrhau'r canlyniadau gorau i ddisgyblion.
• Cyfrannu at ddatblygiad darpariaeth lles yr ysgol.
• Cefnogi ethos cynhwysol, diogel a chefnogol yr ysgol.
• Ymroddiad i'r iaith Gymraeg a'n diwylliant.

Rydym yn chwilio am rywun sydd:

• Â diddordeb cryf mewn cefnogi lles, datblygiad a chynnydd plant.
• Â phrofiad perthnasol o weithio gyda phlant, yn ddelfrydol mewn lleoliad ysgol.
• Â sgiliau cyfathrebu a rhyngbersonol rhagorol.
• Yn gallu gweithio'n annibynnol ac fel rhan o dîm.
• Yn drefnus, yn hyblyg ac yn gallu blaenoriaethu'n effeithiol.
• Yn ymrwymedig i safonau uchel ac i wneud gwahaniaeth cadarnhaol i fywydau disgyblion.
• Yn gallu siarad Cymraeg.

Byddai cymhwyster HLTA Lefel 4 yn ddymunol. Fodd bynnag, i'r ymgeisydd cywir sydd â'r profiad, yr agwedd a'r sgiliau priodol, byddai'r ysgol yn barod i gefnogi'r unigolyn i gwblhau'r cymhwyster HLTA drwy'r ysgol.
Byddai disgwyl i'r ymgeisydd llwyddiannus gwblhau'r cymhwyster HLTA, os nad yw eisoes ganddo/ganddi, er mwyn bodloni gofynion y rôl hon.
Byddwn yn cynnig:

• Swydd barhaol, lawn amser mewn ysgol groesawgar a chefnogol.
• Cyfle i wneud gwahaniaeth gwirioneddol i fywydau disgyblion.
• Tîm cyfeillgar, cefnogol ac ymroddedig.
• Cyfleoedd datblygiad proffesiynol parhaus.
• Hyfforddiant perthnasol ar gyfer y rôl, os bydd angen, i'r ymgeisydd llwyddiannus.
• Cefnogaeth i gwblhau'r cymhwyster HLTA Lefel 4, lle bo hynny'n briodol.

Mae diogelu a hyrwyddo lles plant wrth wraidd ein gwaith. Bydd angen i'r ymgeisydd llwyddiannus gael gwiriad DBS manwl a bodloni holl ofynion recriwtio diogel.
Dyddiad Cau: 11.09.26 @11am
Dychwelwch eich ffurflen gais i [email protected]

Application form - school-based support staff ( Word doc, 134 KB )

Swydd ddisgrifiad CALU ( PDF, 407 KB )

Last modified on 10 August 2026

Is this page useful? No Report a problem with this page
// This will stay here var feedbackOptions = { showYes: true, showProblem: true, positiveText: "Yes", feedbackQuestion: "Is this page useful?", feedbackText: "Thank you for your feedback", contentArticleId: 47846 }; gi.feedback(feedbackOptions);